Babad Penyarikan Dalem

Kacritayang mangkin sepemadeg Ida Raden Wijaya ring keratin Majapahit duk Icaka warsaning 1214 (1292 M) Ida maderbe pikayun nyikiyang jagate (Nusantarane) keloktah mapasengan Sumpah Palapa.

Inggih asapunika pikayun Idane, setate kehabih antuk tanda mantra sami makadi patih Anom dane Ki Patih Gajah Mada. Kasuwen cerita sepamantuk Ida Maharaja Raden Wijaya kagentosin antuk Putran Idane sane maparab Raja Jaya Negara kagentosin dados patih Werda.

Sadaweg punika Raja Bali ring Bedahulu sampun kekuasayang olih Raja Jawi. Ida mrelina raga nenten kecritayang malih.

Inggih punika patih andelan Ida Ratu Bali sane maparab dane Ki Pusung Grigis kakrangkeng kahucap ring Pradesa Tangkulak risampun karatwane ring Bedahulu kekuasayang olih Majapahit, merasa kambang jagat Baline nenten wenten sane dados penghulu Prabhu. Mangda meresidayang ninggihin saparindik suwunge nenten wenten Ratu Prabu ring Bali, Sane mangkin dane Ki Patih Gajah Madangenikayang Ki Patih Ulungkasarengin antuk presemeton nyane mangdane samentare sane ngambel Jagat Baline, tur Ki Patih Ulung kanikayang raris mecikang malih sad Kahyangan ring Bali, pamekas ring Pura Besakih.

Inggih kacerita kasuwen dane Ki Patih Ulung ngambel Jagat Baline, Sakawenten Jagat Baline kantun nenten presida antuk minabdabang, ring kawentenan nyane, asapunika dane Ki Patih Ulung kasarengin antuk pasemetonan nyane Kyayi Pamacekan, Kyayi padangSubadra tangkil ke Majapahit matur mangdane wenten Penghulu Raja ring Bali.

Digelis Kacerita Penghulu Raja ring Bali sakingIda Sri Kalagemet Raja Majapahit.

Sane kahadegang raris dados Adipati ring Bali makadi Ida Sri Aji Kresna Kepakisan, kaicen si Ganja Dungkul lan sebilah tombak mapesengan Si Olang Guguh taler Busana Keprabon jangkep Ida keabiseka ratu duk Icaka warsaning jagat 1272 (1350 Masehi) kairing kahabih antuk para arya.

Arya kepakisan saking Kediri dados patih mahutama wenten taler tanda mantra sane lian –lianan ,inggih punika para arya Kediri kahucap sadaweg dane ngiring ke bali wenten 13 diri makuwehnyane taler ida kairing untuk para wesya 3 diri.kahucap arya para arya 13 diri punika sane ngiringang ida dalem ke bali,luwir ipun

1.arya kanuruhan

2.arya wang bang

3.arya demang

4.arya kepakisan

5.arya tumenggung

6.arya kenceng

7.arya delancang

8.arya belog

9.arya manguri

10.arya pengalasan

11.arya kuta waringin

12.arya gajah para

13.arya getas

.wenten malih wesya 3 diri ,luwir ipun :

1. Tan kober
2. Tan kabur
3. Tan mundur

Inggih asapunika Ida Sri Aji Kresna Kepakisan kahadegang dados Ratu Adipati Bali sane kaping siki.

Makadi semeton ida sane lianan kahadegsng dados    :

1. Kahadegang dados Bupati ring Pasuruan sri Aji Bima Sakti.
2. Kahadegang dados Bupati ring Brangbang Sri Juru Kepakisan.
3. Kahadegang dados Bupati ring Sumbawa Sri Datu Muter Kepaksian.

Inggih genah keratin ida sri aji krena kepaksian mapesengan jagat samprangan ( sebelah timur kota giyanyar ).

Kacerita selanturnyane makdi patih werda, dane ki arya kepaksian magenah ring nyuh aya lan arya sane lianan sampun pada polih linggih genah soang-soang saking titah dane ki patih gajah mada, makdi dane :

1. Arya kanuruhan ida malinggih ring Tangkas.
2. Arya wang bang ida malinggih ring kerta langgu.
3. Arya demang ida malinggih ring bon dalem,
4. Arya tumenggung ida malinggih ring patemon,
5. Arya kenceng ida malinggih ring tabanan,
6. Arya dalencang ida malinggih ring kapal,
7. Arya belog ida melinggih ring kaba kaba,
8. Arya manguri ida melinggih ring penulisan,
9. Arya pengalasan ida melinggih ring cemenggawon,
10. Arya kuta waringin ida melinggih ring klungkung,
11. Arya gajah para kasarengin antuk arya getas. Ida melinggih ring gianyar,
12. Tan kober melinggih ring pacung,
13. Tan Kawur malinggih ring Abian Semal
14. Tan mundur melinggih ring cacahan.

Sane mangkin kacetiatang sapemadeg ida dalem sri aji kresna kepakisan setata kaabi olih arya-arya kedir.

Makweh parindikan ida ngambe  jagat wenten becik lan wenten taler sane kaon, pasukadukaan makdi duratmaka ring desa-desa luwir ipun        :

1. Batur cempaga,
2. Songan,
3. Kedisan,
4.  Abang,
5. Pinggan,
6. Kintamani,
7. Manik liyu
8. Taro,
9. Sukawana taler sane lianan.

Kasuen – suen asapunika ngraris ida dalem sri kresna kapakisa ngawentenang utusan maih je majapahit nangkilin ki patih gajah mada ngaturang piungu ring kawentenan karatwane ring bali kantun kobet. Raris utusan ida dalem mawali malih ring jagat bali risampune polih sebilah keris sane mawasta ki durga dingkul jagi prasida ngasorang  duratmaka, saantukan ki durga dingkul sakti ( ampuh ) pisan sakadan maseh ajerih lemes nenten purun malih ngaryang byuta ring ida dalem, jagat baline rasis tentrem, kertha raharja, nenten kaceritayang malih.

Risampune ida dalem sri aji kresna kepakisan lebar caka warsa 1312 ( 1380 masehi ) ida ninggalan 3 putra lan 1 putri inggih punika        :

1. Ida dalem samprangan,
2. Ida dalem tarukan,
3. Ida dalem datri ayu wana,
4. Ida dalem ketut angu lesir.

Sane mangkin kaceritayang ida dalem samprangan kahadengan ratu duk caka warsa 1312 ( 1380-1383) abhiseka ida dalem sri agre samprangan taler mapesengan ida dalem ile pwasire, ida mehias ( masolek )nyantos para mantra makadi kyayi kebon tubuh, kriyan klopodiyana lan para patih sane lianan suwe nyantosang ida dalem ring balairung, satunggil paruman ida nenten medal-medal. Kasuwen suwn karatwane sapunika. Sami para patih lan tanda mantra duene menggah piduka ( nyesel, kesel ) ngraris ki kebon toboh kasarengin antuk para tanda mantra sane linan makadi ki klapodiana ngrereh ngruruh kasebilang desa desa ring bali mautsaha mangdane polih tangkil ring ida dalem ketut anguleris jagi karencanayang ngentosin rakan ida dane, ida dalem samprangan. Sesampune asapunika kacerita raris ida dakem ketut angulsir kapanggih ring pajudian ring pandak ngelantur ki kebon tubuh matur atur mangdane ida mantuk budal jagi kahaengan prabu, ida dalem duk punika tan kayun nerima saantukan ida babotoh, nenten madue napi-napi, samalihe nenten uning ring tata titi keratwane lan sane pinih unteng mangda ida nenten kasungguh ngambil lan ngerebut karatwane ring samprangan.

Sesampune ki kebon tubuh matur ngaturin ida dalem ketut angulesir linggih karatone ngangge pakubon dane ring desa gelgel wawu raris ida kayun ngemanggehang ngambel keratwane duk caka warsaning jagat 1315 (1383 masehi) ida abhiseka ida dalem ketut smara kepakisan. Raris karatonne ( puri ) kagingsirang lan maparab keratin sweca linggarsa pura. Risampun madeg keratone ring gelgel ida dalem samprangan apuspate, idewa tegal besung ( prasasti puri kaleran anom ).

Inggih makadi linggih dane patih agung kyayi kebon tubuh raris kagingsirang ke sebaler keratin ida sang prabhu, minakadi kyayi dau bale agung lan taler tanda mantra sane siosan makasami ngiringang jenek sampun kacwis. Inggih asapunika titah ida dalem ketu smara kapakisan sampun memargi.

Sapemedeg ida ngambel jagat, sinah sampun wenten sane kaon lan wenten sane becik nyantos ida kaceritayang nyikiang catur wangsane ring pura dasar gelgel, mandane sami terehan warga masikiyang dados aski pada saling ngjiayang mandane karahajngan kasebahagiaan lan kesantausaan kepanggih. Kaceritayang taler ida polih uleman mangdane rawuh je majapahit nyarengin parum sane kawentenan olih prabu hayam wuruk.

Sapamantuk ida saking jawi sri baginda mapacia keris ki sudamala, sakewanten sapangerawuh ida ring degara canggu keris punika runtuh ketengahin segara, sami para tanda mantra duwene engsek ngucarang japa mantra. Nenten kandugi keris punika mawali malih kasarung nyane tut kapesengin ki bgawan canggu, inggih nenten sanmpun makweh malih kaceritayang nyantos ida lingsir lan mangkat lantan yusa ida sampun lingsir sane mangkin kaucap ceritayag ida dalem watu renggong putran ida dalem kletut smara kepakisan sane ngentosun angambel jagate ring bali duk caka warsa 1372 ( 1450 masehi ). Sepemadeg ida dalem watu renggong jagat baline ngmanggihang jagat kertha yuga, lan ida ngetamayang kasukertan lan ketentraman panjak pinalka sesuhunan dalem sane pinih kasub. Kepradnyannan ide katong pisan, wicaksana, widagda yukti yukti titah ida dados panutan jagat. Kacerita wenten duta saking mekah tetujone mangda ida dalem waturenggong sutinut megama islam, semalihe mangda baline sami ke islaman. Irika ida dalem metitah ring I duta punika sane sampun jangkep makta pasesunatan ida damlem, kacentong rarus gunting punika ngunting ulu tangan ida dalem sakewanten guntinge punika nenten mrasidayang mutungang ulu tangan ida dalem. Rasis lemate punika kacobakang antuk ida dalem kaanggen ngelumasin cerman telapal cokor idane raris lemate punika puntul sekadi anake kekenahin gerinda. Sesampun punika rar8s utusan dutane katundung manda nenten wenten pisan talapak batis nyane kantun malaad ring jagat baline. Maka sujatine ida dalem waturenggong ngambel keajegan kesucian agamane lan keingkupan panjak kelangkung becik pisan kerta rahaja lan lohjinawe nenten kirang pangan lan kinum..

Bala wada ida dalem duk punika mawasta DULANG MANGAP,  sane kamanggalain olih kriyan ularan asane kesarengin ( anggota ) olih 1.600 diri bala wadwa sane sampun seda kapilih.

Wewidangan keratwane duk punika nyantos ke Sumbawa, blambangan, Lombok, pasuruan. Seiring gelisang carita duk pinuka para patih lan para mantrane makweh sane sampun seda, padem, lampus riantukan sampun lingsir. Raris linggih ida kagentosin antuk putran – putran idane manur kadi waris lan linggih nayane minakadi :

1. Patih agung kryan patandakan kagantosin olih putran idane ki gusti batan jeruk,
2. Kyayi kebontubuh kagentosin olih putran idane ki gusti abian tubuh.,
3. Kyayi pinatih kagentosin olih putran idane ki gusti pinatih.
4. Arya tangkas, arya berangsinga, arya pagatepan maka tetiga putran ida arya kanuruhan.
5. Kyayi penyarikan dauh bale agung putran kyayi akah, kaasami sampun wenten ring gelgel sane kadadosang pamucuk juru surat titah ida dalem. Keadegang kawastanin PENYARIKAN DALEM.
6. I gusti tabanan warih sira arya kenceng,
7. Ki gusti kaba – kaba warih sira arya belog,
8. Ki gusti kapal warih rya delancang,
9. Ki gusti pering cagahan, sukahet warih arya bang saking lasem.

Kesutinutan para mantri lan para patih agung nenten san dang bawosan malih makesami pada satya nenten ajerih ngarepin maseh maseh keratwane sekadi pemargi para leluhur nyane .

Mangkin kaceritayang duk icaka warsaning jagat 1411 (1489 masehi ) kahucap ring jagat majapahit sampun ogah indik sapenyaneng ida , makuweh para wikune metilar ninggalag keratwane, byute ring keratwane taler ring keprabon mahawinan mekadi rered , surud (kendor) pisan penyakradalan ida , pawiwite ngeranjing saparindikan makudang-kudang kabudayaan minakadi ajah-ajahan tata titi agama islam , selanturnyane raris runtun keraton majapahit duk icaka warsa 1442 (1520 masehi) . saking iriki ngawitin kawentenan petilaran panjak (pengungsian penduduk ) saking jawi ke bali , kacerita mekadi danghyang nirata pinaka bhagawanta majapahit sane ninggalang keratonne , ngeraris  ida memargi nganginang rawuh ring pasuruan , raris mamargi ke Kediri , ngeraris ke blangbangan irika ida polih jenek lungguh ring ipen idane sri dalem juru . saking kasidian ida danghyang , bliau mirik pisan ambune arum sekadi mawar. Irika raris ida sri juru kayune merasa tangar ring sang dwija. Ida sang dwija sampun sauninge ring kayun ida sri juru , ngeraris ida danghyang kesah ninggalang belangbange kasereningin antuk pesanakan nyane sami ngelintangin sagara nyujur jagat bali , ida munggah ring waluhe, mekadi semetonan ida sami ngangge jukung perahu sane wus (bocor) . gumanti saking panugrahan ida haying widi kapretama indik kasucian idane, sampun raris rawuh ida ring pasisi purancak baline .

Saking irika ida ngelanturang memargi nganginang ngelintangin wana sane dahat madurgama ,sakewanten kawon pemargine ring alas punika wenten wicara , ida kaicalan putrine, nenten kapanggih malih asiki . wicara punika kayun idane sampun titah lan pituduh ida hyang widi ngeraris ida ngewangun periangan ring desa Pulaki. Sampun punika ngeraris ida nyujur desa gading wani, irika sedek desane kekenanin antuk kabrebehan agung mekadi grubug, Utah bayar, raris ida ngusadaning wadwane maserana antuk adem idane nyantos sami pada kenak kadi jati mula. Saking irika ida danghyang kasub kaucap dados anak lingsir maparab ida peranda sakti wawu rauh.

Kaceritayang bawose limbak pisan ring kawentenana ida peranda ngeraris ida ngelanturan pemargine ke desa mas, irika ida kapendak antuk dane bandesa manik mas ngeraris ida ngewangun pengarcanan ida betara sane mewasta mangkin pure taman pule. Sedaweg ida jenek melinggih ring desa manik mas ,kasuwen suwen kapireng antuk ida dalem rauh ring keraton , kaucap wenten peranda sakti wawu rawuh saking jagat majapahit , yan umpamayang minakadi sang wiku loh gawe , ida sang wiku kaucap kantun wenten pakilitan pasemetonan ring ida dalem bali.

lebih lengkap silahkan download : disini